[🔴EN DIRECT]IGISIGA CY’URWARA RURERURE KIMENNYE INDA/ AGATSIKO MU KWIHAMBA

1.Imanza z’abambuwe ubutaka bwabo ahitwa muri Bannyahe zikomeje gufata indi ntera, aho abaturage mu gihe bari bitabiriye kujya mu manza z’imitungo yabo batawe muri yombi bashinjwa ibyaha bihimbano. Ese agatsiko ntikaba karabikoze nkana kugirango gakomeze gatinze izo manza, maze abaturage bakomeze bazererezwe nkuko bimeze , cyangwa se agatsiko kakaba gafite umugambi wo kurimbura buri wese uburanira ubutaka bwe muri Bannyahe? Imanza nka ziriya ziba zitangiye muri buriya buryo twazigirira ikihe kizere ko zizakorwa binyuze mu mucyo ?

2.Agatsiko ngo kahisemo gusubira inyuma kugirango kabashe gusimbuka neza : CHOGM ku nshuro ya kabiri ntikibaye, impamvu zikomeje kuvugwa ni ubukana bwa COVID-19 . Ese koko niyo mpamvu nyamukuru cyangwa haba hari ibindi byihishe inyuma ? Kuki agatsiko kanze kubitangaza ? Ese indangacagiro za CHOGM zihagaze gute mu Rwanda ruyobowe n’agatsiko ?

3. Kaga go araba ari I Paris ku itariki ya 17 na 18/05/2021, mu rwego rw’inama yerekeye gutera inkunga  ubukungu bw’Afurika, bikaba biteganyijwe ko azabonana n’abasirikare bakuru b’abafaransa bari mu Rwanda hagati ya 1990 na 1994. Imyigaragambyo yo kumwakira iri gutegurwa.