PAUL KAGAME YAKORESHEJE UMWANYA YIHAYE WA PREZIDA MU NYUNGU ZE BWITE

1.PAUL KAGAME YAKORESHEJE UMWANYA YIHAYE WA PREZIDA MU NYUNGU ZE BWITE

Nyuma y'ukwezi kumwe gusa, Paul Kagame yarenze ku ndahiro yarahiye, afungura umucuruzi w'ibiyobyabwenge mu ngurane z'amajwi yo mu matora. Deal yagiranye n'umuryango w'umucuruzi w'ibiyobyabwenge ubwo yari muli campagne yiyamamaza, yayujuje kuko yamufunguye. 

Mu gihe nta gahunda y'ibikorwa bijyanye n'inyungu rusange z'abanyarwanda yagaragaje mu kwiyamamaza, Paul Kagame yagiranaga amasezerano yo guhonyora amategeko n'ibyemezo by'inkiko n'abantu yishakira amajwi mu kwiyamamaza. 

Ibikorwa byo kurenganya abanyarwanda b'inzirakarengane n'indakemwa mu mico no mu myifatire Paul Kagame amaze gukora mu kwezi kumwe nyuma yo kwiyimika ntibibarika. Arafunga, akica urubozo abatagira icyaha bazira gusa ko biyamamaje ku mwanya wa Prezida. Arahimbira ibyaha abanyapolitiki batagize icyo bamutwaye akabamarira mu munyururu, yarangiza agafunguza umwanzi w'igihugu ukwirakwiza ibiyobyabwenge mu rubyiruko rw'u Rwanda! Ubwo se ni buryo ki bwo kubungabunga ahazaza h'abana n'urubyiruko. Imyaka ibaye ingahe abana ba Victoire Ingabire bamusaba kurekura umubyeyi wabo? Niba hari ukwiye imbabazi ntabwo ali uroga abana n'urubyiruko. 

Hari imbaga y'abana ifungiye muli gereza z'u Rwanda. Ese hagati y'umucuruzi w'Ibiyobyabwenge n'Umwana w'igitambambuga, imbabazi zo gufungurwa zikwiye kugirirwa nde ?

2.ISI ITANGIYE KWAMAGANA P.K KUBERA UBUGOME BWE NYUMA YO KWIYIMIKA

Ambassaderi William Gelling w'Ubwongereza yamaganye imyitwarire ya kinyamaswa ya Paul Kagame nyuma yo kwiyimika. Abo akeka ko batamushyigikiye bose ali kubahumbahumba.