IHURIZO HAGATI YA KAGAME UMWAMIKAZI W‘UBWONGEREZA NA RUSESABAGINA

1. Transparency International Rwanda nayo irasaba ko inzego z’ibanze zasuzuma uko zikoresha umutungo wa Leta( kigalitoday, 1.12.2021).  Igitekerezo si kibi, ariko ni uburyo bwo kwikoreza urusyo abayobozi bo mu nzego z’ibanze, kwerekana ko imiryango irwanya ruswa ikora akazi nyamara irimo kuyobya uburari  kugirango abantu badahanga amaso ahabera ruswa nyinshi, ahubwo barangarire inzego z’ibanze. Urebye amafranga izengo zibanze zicunga ni make cyane. 

2.Ihurizo hagati ya Kagame Umwamikazi w’ubwongereza na Rusesabagina. Dr Himbara aribaza uko bizagenda hagati y’aba bantu tumaze kuvuga kuko Kagame na Busingye biyemereye ko bagize uruhare mu gushimuta Paul Rusesabagina, akaba ari nazo mpamvu Lantos Foundation yasabiye ibihano Busingye na Janot. Ikibazo Himbara abaza kandi umuntu wese yakwibaza, ni ukumenya niba inama ya CHOGM uriya muryango w’ibihugu bivuga icyongereza izabera mu Rwanda.

3. Mu nama  mpuzamahanga yo ku wa 0.12.2021 yiga ikibazo cy’impunzi  ku mugabane w’Afrika,  Ku kibazo cy’abahunga ibihugu byabo muri Afurika inama yiswe ibisubizo miliyoni 36, bishaka kuvuga  impunzi miliyoni 36 zo munsi y’ubutayu bwa sahara,  PM Edouard Ngirente aravanga araduhisha byinshi by‘ingenzi.