Email us for help
Loading...
Premium support
Log Out
Our Terms of Use and Privacy Policy have changed. We think you'll like them better this way.
Abashinzwe kwiga ku hazaza h’u Rwanda nyuma ya 2017 bamuritse raporo yabo
Abakada batatu ba RPF-Inkotanyi bashinzwe kwiga ku hazaza h’u Rwanda ubwo manda ya kabiri ya Perezida Kagame izaba irangiye, bashyize ahagaragara ibyo bagezeho. Raporo yabo ivuga ko abarwanashyaka ba RPF-Inkotanyi bifuza ko Perezida Kagame aguma ku butegetsi. Abikorera bo ngo bahuriza ku kuba avuyeho na bo bahita bahagarika ibikorwa byabo. Aya ni amwe mu magambo Senateri Dr Karemera Joseph yabwiye Perezida Kagame ubwo yamurikaga iyo raporo, mu mwiherero w’abanyamuryango babarirwa muri 600 ba RPF. Mu mwaka wa 2013, Perezida Kagame yahaye umukoro abakada 3 bakomeye ba RPF, wo kwiga ku kigomba gukorwa ubwo manda ze ebyiri yemererwa n’itegeko nshinga zizaba zirangiye. Abo bagabo batatu basanzwe ari abasenateri (Dr Karemera Joseph, Tito Rutaremera na Antoine Mugesera), ngo bakusanyije ibitekerezo by’abanyamuryango b’ingeri nyinshi, bakora n’ubushakashatsi. Dr Karemera wamuritse iyi raporo, yagize ati, "Duhitamo abo tubaza (sampling) twarebye ibice byose by’abanyamuryango harimo urubyiruko, abagore, abikorera, abayobozi bakiri bato, abanyeshuri n’abanyarwanda baba mu mahanga.” Nk’uko Karemera yakomeje abisobanura, "twibanze ku kuganira amateka y’u Rwanda n’uko twakuramo amasomo ngo dufate ibyemezo bikwiye by’uko bizagenda muri 2017.
