Dr RUDASINGWA ABWIRA ABO BASHINGANYE RNC KO "FACTIONALISM" IMAZE KUYANGIZA

"Factionalism" iri mu byatumye RNC icikamo kabiri tariki ya 01/07/2016. Gusesengura iby'icyo kibazo bishobora kugirira akamaro abaharanira impinduka mu Rwanda.

Kubw'ibyo, muri kino kiganiro, turagaruka kw'ijambo rikomeye ryo kw'itariki ya 23/04/2016, Dr Th. RUDASINGWA (TR)  yagejeje ku bashinze Ihuriro Nyarwanda RNC.

Imbere ya y'abantu 9 bashinze RNC, hiyongereyeho 2 bari bemerewe kuza mu nama, Dr TR yatinze ku kibazo cya "factionalism" (udutsiko) cyari kigejeje RNC aharindimuka.

By'umwihariko, yatunze urutoki agatsiko k'Abatutsi bahoze ari abasirikare ba RPF. Anibutsa amazina y'abakari kw'isonga na bimwe mu bikorwa byako bihumanya.

Yibukije kandi ko n'ubwo ako gatsiko (faction) k'Abatutsi kari kayoboye urugamba rwo guhumanya no gusenya, RNC yari inabangamiwe n'iyangiza ry'agatsiko k'Abahutu.

Dr TR yibukije Gen KAYUMBA Nyamwasa ko yagiye amusaba kenshi kugira icyo yakora. Akabeshya ko ntacyo ashoboye...

Uyoboye ikiganiro: Joseph Ngarambe

Abatumirwa: Dr Theogene RUDASINGWA na Bwana Jonathan MUSONERA