Our Terms of Use and Privacy Policy have changed. We think you'll like them better this way.

ISARI YASUMBYE ISESEMI NONE KAGAME ARASHAKA KUBYUTSA UBUHAHIRANE N‘UBURUNDI NA KONGO (CEPGL).

  • Broadcast in Politics Progressive
RadioItahuka

RadioItahuka

×  

Follow This Show

If you liked this show, you should follow RadioItahuka.
h:284593
s:11364291
archived

1. EAC Kagame arayivuruguse, imuhaye akato ahinduka igitotsi mu mata,  none arashaka kubyutsa  umuryango wa CEPGL( Rwanda-burundi-Kongo).  Kongo yishemo abantu miliyoni z‘abantu   zitabarika nk‘uko Mapping Report ibigaragaza. Abanyekongo bamwe batangiye kwita Prezida Tshisekedi  umugambanyi.  Agashya karuta utundi ariko  ni uko  Kagame ashaka kubyutsa ubuhahirane n‘u Burundi yashinje gukora genocide, akahakora coup d‘Etat igapfuba, akahica abayobozi batagira ingano hakarokoka Prezida nkurunziza ngo wakijijwe n‘uko ngo yahoraga yihisha  ntagaragare,  bikaba agahebuzo  igihe General Mubarak  asaba abanyarwanda kutongera kurongorana n‘abarundi. Nyamara ujya kwica ubukombe arabwagaza Nkurunziza ararye ari menge si urukundo ruzanye Kagame kuko ntayobewe ko muri Kongo Kagame arimo gutera inkunga ikomeye imitwe yitegura guhirika Nkurunziza.

 

2.Banki y‘isi igaragaza ko u Rwanda ruri mu bihugu bidashora imari mu guteza imbere umuturage nk‘uko bigaragara mu bipimo byinshi rufitemo amanota mabi. Rukaba ruza kumwanya wa 142 mu bihugu  157. Kagame aho guteza imbere umuturage arafata imyenda yo kubaka  amazu n‘indi mishinga  ihomba, byose  bizishyurwa mu misoro izatangwa n‘abo baturage yatindahaje.

 

3.Ingirwamashyaka zo m‘u Rwanda zitewe ishema no kutagirana amakimbirane  aranga imitwe ya Politiki ikorera mu kwaha kwa FPR. Biteye ishema kuvuga rumwe na FPR, ukumvikana   nayo muri byose  tuzi amarorerwa ikorera abanyarwanda ?

Comments