IBINYOMA BYA FPR/DMI KU IMVO N’IMVANO Y’UBWICANYI KARANDE MU RWANDA

Imivu y’amaraso, amarira, imiborogo, ubuhunzi n’amakimbirane akunze kuranga Abanyarwanda bisa n’ibyabaye indangamuntu y’igihugu cyacu. 

FPR/DMI yigisha ko iyo mivu y’amaraso ari iy’ejobundi muri 1994, 73, 63, 59 gusa. Icyo kinyoma-karemano yagitamitse Isi yose n’Abanyarwanda batazi amateka yabo, uhereye ku rubyiruko, na bo bakabimira bunguri.

Muri iki kiganiro, Abatumirwa bacu, Eugène NDAHAYO na Nkiko NSENGIMANA, baradufasha gusobanukirwa aho iyo « violence politique » (ubwicanyi) yaturutse, n’uko yagizwe imwe mu nkingi z’ubutegetsi bwa Cyami, Repubulika zikaza gukomeza uwo muco kugeza na n’ubu ubwo usanga hari  abagereranya Perezida Kagame n’umwami Rwabugiri wicaga atitangiriye itama kandi adatoranyije, kabone n’iyo waba umubyeyi we, umugore we, umwanzi we, icyegera cye, cyangwa Rubanda. 

Nta butegetsi bushobora kuzakemura ibibazo by’U Rwanda no kuzunga Abanyarwanda butabanje gushyira hanze ukuri kose kuri iyo « violence politique » bamwe bitirira Abahutu, abandi bakayitirira Abatutsi.

Abatumirwa: Eugène NDAHAYO na Nkiko NSENGIMANA,

Uwateguye ikiganiro: Joseph NGARAMBE

11/07/2018