Joseph Ngarambe : Ikigo cya Leta ORINFOR mu mwenda urenga miliyari

Amanyarwanda arenga miliyari 1: niwo mwenda uhuhuye ikigo cya Leta cyahoze cyitwa  ORINFOR. Uwo mwenda w’ubukode urenze kure Frw miliyoni 900 yajugunyiwe icyo kigo, nyuma kigategekwa kwimukira umushoramari ngo wo muri Kenya, kugira ngo yubake mu bibanza by’icyo kigo cya Leta amacumbi ngo agezweho. 
Mu yandi magambo ORINFOR yategetswe kugurisha ibyayo, ikimukira vuba uwo mushoramari. Bimaze kuyigora kwimuka mu gihe gito yahawe, itegekwa gukodesha amazu yari ayayo, umwenda w’ubukode uza gutumbagira usumba ikiguzi cyo kumeneshwa. 
Twabashakiye amakuru asobanura bihagije ako kaga k’icyo kigo ORINFOR kibumbiyemo Radiyo na Televiziyo by’Igihugugu, akaga gakomoka  ahanini ku mururumba wa Kagame n’agatsiko ke, tutibagiwe n’ikibazo cy’Ingengo y’Imari.
Ni gute ikompanyi ngo y’inya Kenya (itanazwi) yashoboye guhambiriza shishitabona ikigo gikomeye cya Leta, nyuma yo kugihatira amafaranga y’intica ntikize?
Imbaraga zo guhatira ORINFOR gukodesha aho yari yariyubakiye, iyo kompanyi ngo yo muri Kenya (itanazwi) yazikuye hehe?
Turagaruka no ku zindi nkuru zinyuranye.