U RWANDA RUZIBOHORA RUTE INGOMA Z'UDUTSIKO?

Imyaka ibaye amagana u Rwanda ruri ku ngoyi z'udutsiko. Udutsiko twa mbere twabaga duhuje ikirangabwoko, urugero rukaba umusambi warangaga Abanyiginya, Abega bagahurira ku gikeri.

Utundi dutsiko twagiye twitwaza ubwoko bugari (Abatutsi, Abahutu). Haje kuziraho n'udutsiko dushingingiye ku turere tw'imbere mu Rwanda cyangwa tw'inyuma mu bihugu bigeze guhungiramo.

Umutima w'agatsiko ni akazu kenshi gashingiye ku mbaraga za gisirikare no ku ngengabitekerezo y'inkomoko idasanzwe cyangwa ubumanuka.

Izo mbaraga n'iyo ngengabitekerezo bifasha akazu kumvisha abaturage kaba karahinduye abacakara ko ari ko kavukiye kubayobora ubuziraherezo.

Mu mateka, agatsiko kagendaga kubaka inziga zigakikiza, bitewe n'amaboko gakeneye, kagashaka ku buryo bunyuranye abidishyi, kabashakira nko mu moko aya n'aya, mu turere utu n'utu, cyangwa mu bavuga ururimi uru n'uru.

Igihugu kiri ku ngoyi y'agatsiko nta mahoro kiba gfite, amahoro arambye ni ukwibohora agatsiko.

Umutumirwa: Sixbert MUSANGAMFURA

Uwateguye ikiganiro: Joseph NGARAMBE

05/06/2018